Әзірлеме құрамында литийі аз кендерді өңдеуге, неғұрлым концентрлі өнім алуға және сонымен бірге қоршаған ортаға жүктемені азайтуға мүмкіндік береді.
Қазақстандық ғалымдар құрамында литийі аз алюмосиликатты кендерді өңдеудің жаңа технологиясын әзірледі. Ол құнды металдың мөлшері жоғарырақ литий концентратын алуға және елдің аса маңызды пайдалы қазбалар бойынша шикізат базасын кеңейтуге мүмкіндік береді, – деп хабарлайды BAQ.KZ тілшісі.
Әзірлемені Қазақстан Қазақстан Республикасының минералдық шикізатты кешенді қайта өңдеу жөніндегі ұлттық орталығының ғалымдарының тобы ұсынды. Технологияның негізінде кеннің литий мен алюмосиликатты бөлігін іс жүзінде толық бөлуді қамтамасыз ететін карботермиялық балқыту процесі жатыр. Литий концентратынан бөлек, технология металлургия өнеркәсібінде сұранысқа ие ФС45 маркалы ферроқорытпаны алуға мүмкіндік береді.
Жоба жетекшісі, техника ғылымдарының кандидаты Феруза Бердіқұлованың айтуынша, жаңа технология алынатын концентрат сапасы бойынша қолданыстағы шешімдерден айтарлықтай асып түседі.
«Құрамындағы литий мөлшері төмен кендерді өңдеу нәтижесінде біз құрамында 12–14% литий оксиді бар концентрат аламыз. Бұл өнімдегі литий оксидінің мөлшері дәстүрлі тәсілмен алынатын ұқсас өніммен салыстырғанда екі еседен астам жоғары. Қолданыстағы технологиялар бойынша бұл кезеңде литий оксидінің мөлшерін 5-6%-дан жоғары деңгейге жеткізу мүмкін емес», – деп атап өтті ол.
Әзірлеменің тағы бір артықшылығы – күкірт қышқылының агрессивті ерітінділерін пайдаланудың азаюы. Бұл өндірістің қоршаған ортаға әсерін азайтуға және өндірістік шығындарды қысқартуға мүмкіндік береді.
Әзірлеушілер атап өткендей, жаңа технологияны енгізу бұрын экономикалық тұрғыдан тартымдылығы төмен деп саналған литийі аз кендерді өңдеуге тартуға, сондай-ақ аккумуляторлар, электроника және энергияны сақтау технологиялары өндірісінің дамуына байланысты сұранысы қарқынды өсіп келе жатқан аса маңызды металдар бойынша отандық шикізат базасын нығайтуға мүмкіндік береді.
Дереккөз: rus.baq.kz
Басқа жаңалықтар
Қазақстан мен Қытайдың өнеркәсіптік кооперациясы: шикізаттан жоғары технологиялық өндіріске дейін
ҚР МШКҚӨ ҰО Сеулде өткен «С5+1» елдері өнеркәсіп министрлерінің Консультативтік механизімінң отырысына қатысты
ҚР МШКҚӨ ҰО China Mining 2026-ға қатысты: ТКМК-дағы ынтымақтастықтың жаңа көкжиектері
Қазақстандық жас ғалымдар аса маңызды минералдық ресурстарды зерттеу нәтижелерін халықаралық конференцияда таныстырды
Қазақстандық ферротитан: Қарағандының жас ғалымдары еліміздің металлургиясын қалай өзгертеді
