Қазақстанның мыс саласы 10,5 млн тонна кенге арналған жаңа қуаттарға ие болады

Кәсіпорындарды Бесшокы және Қызылту кен орындарында құру жоспарлануда.

inbusiness.kz сайтының индустрия және құрылыс министрлігіне сілтеме жасап хабарлауынша, Қазақстанда жалпы қуаты жылына 10,5 млн тонна мыс кенін өңдей алатын екі жаңа байыту кәсіпорнын салу үшін технологиялық шешімдер әзірленген.

Кәсіпорындарды Бесшокы және Қызылту кен орындарында құру жоспарлануда. Олардың жиынтық өнім шығарымы жылына шамамен 190 мың тонна мыс концентратын құрауы мүмкін. Болашақ өндірістерге арналған технологияны «Қазақстан Республикасының минералдық шикізатты кешенді қайта өңдеу жөніндегі ұлттық орталығы» РМК филиалы – «Шығыс ғылыми-зерттеу тау-кен металлургия түсті металдар институтының» мамандары әзірледі.

Бесшокы кен орны үшін қуаты жылына 7,5 млн тонна кен болатын байыту фабрикасы көзделген. Шығыста құрамында 25% мыс бар шамамен 142 мың тонна мыс концентратын алу жоспарлануда.

Қызылту бойынша жоба жыл сайын 3 млн тонна кенді қайта өңдеуге есептелген. Мыс концентраты бойынша кәсіпорынның өнімділігі мыс мөлшері шамамен 21% болғанда жылына 48 мың тонна шамасында болуы тиіс.

Мамандар әзірлеген флотациялық байыту технологиялары жаңа фабрикаларды жобалау кезінде пайдаланылатын технологиялық регламенттерге енгізілді.

Сонымен қатар институт қолданыстағы Бозшаколь және Карчига байыту кәсіпорындарының технологиялық регламенттерін түзетуде. Бұл ретте мамандар кеннің минералдық құрамын және өндірістік үдерістердің ерекшеліктерін ескереді.

«Зертханалық флотациялық машиналарда мамандар кенді ұнтақтау деңгейінің әсерін зерттеп, флотацияның оңтайлы режимдерін іріктеп, сынақтан өткізуде. Алынған нәтижелер мыс алу көрсеткішін арттыруға мүмкіндік береді және аталған байыту фабрикаларының жұмысын жетілдіруде пайдаланылады», – деді «ҚР МШКҚӨ ҰО» РМК «ШҒЗТКМтүсмети» филиалы директорының қолданбалы зерттеулер және сынақтар жөніндегі орынбасары Лариса Кушакова.

Дереккөз: inbusiness.kz