2026 жылғы 12 маусымда Астанада «Astana Mining & Metallurgy (AMM) 2026» 16-шы Халықаралық тау-кен металлургия конгресі аясында «Минералдық шикізатты өңдеу бойынша заманауи шешімдер» панельдік сессиясы өтті.
Іс-шара ғылыми қоғамдастықтың, Қазақстанның жетекші тау-кен металлургиялық кәсіпорындары мен салалық ұйымдарының негізгі өкілдерін біріктірді.
Өзекті мәселені талқылауды «Қазмеханобр» өнеркәсіптік экологияның мемлекеттік ғылыми-өндірістік бірлестігі (Қазмеханобр) «Тау-кен өндіруші және тау-кен металлургиялық кәсіпорындардың қауымдастығы» ЗТБ-мен (ТКМКҚ) бірлесіп ұйымдастырды.
Сессияның мақсаты инновациялық технологиялық тәсілдерді талқылау, озық өндірістік тәжірибелермен алмасу және ғылым мен өндіріс арасындағы интеграцияны нығайту.
Панельдік сессияның модераторлары - ҚР Құрметті кеншісі, АММК атқарушы директорының кеңесшісі, профессор Төлеген Мұханұлы Мұханов және Қазмеханобр директорының ғылыми жұмыс жөніндегі орынбасары, PhD, қауымдастырылған профессор (доцент) Бауыржан Нұржанұлы Суримбаев.
Сараптамалық тыңдау барысында Қазмеханобрадан асыл металдар зертханасының меңгерушісі, х. ғ. к., қауымдастырылған профессор Людмила Сергеевна Болотова «Алтынқұрамды кендерді өңдеу технологияларын әзірлеу және енгізу: тәжірибе және нәтижелер» тақырыбына және байыту және жартылай өнеркәсіптік сынақтар бөлімінің бастығы Эра Менгуковна Ли «Түсті, полиметал және сирек металдар бойынша байыту және жартылай өнеркәсіптік сынақ бөлімінің заманауи жетістіктері» тақырыбына баяндама жасады.
Өндірістік кейстерді іске асырудың практикалық тәжірибесімен еліміздің тау-кен металлургиялық компанияларының өкілдері бөлісті. Бауыржан Көшербаев («Алтыналмас» АК» АҚ), Эрик Бекен және Дәрмен Рахимов («West Gold Mining Limited Private Limited Company»), Сәкен Шаяхметов («Қазақмыс» корпорациясы» ЖШС), Малика Қожақанова («Green Chemicals Kazakhstan» ЖШС), Бауыржан Ермағамбетов (Нархоз университетінің Цифрлық трансформация және жасанды интеллект институты).
Дереккөз: instagram.com
Басқа жаңалықтар
Қазақстан мен Қытайдың өнеркәсіптік кооперациясы: шикізаттан жоғары технологиялық өндіріске дейін
ҚР МШКҚӨ ҰО Сеулде өткен «С5+1» елдері өнеркәсіп министрлерінің Консультативтік механизімінң отырысына қатысты
ҚР МШКҚӨ ҰО China Mining 2026-ға қатысты: ТКМК-дағы ынтымақтастықтың жаңа көкжиектері
Қазақстандық жас ғалымдар аса маңызды минералдық ресурстарды зерттеу нәтижелерін халықаралық конференцияда таныстырды
Қазақстандық ферротитан: Қарағандының жас ғалымдары еліміздің металлургиясын қалай өзгертеді
