Қазақстандық ғалымдар ферротитан өндірудің жаңа тәсілін әзірлеуде

Ж. Әбішев атындағы Химия-металлургия институтының жас ғалымдары отандық шикізаттан ферротитан өндіру технологияларымен айналысуда. Зерттеулер металлургия өндірісінің тиімділігін арттыруға және қазақстандық шикізат ресурстарын кеңінен пайдалануға бағытталған, деп хабарлайды Kazinform.

ҚР Өнеркәсіп және құрылыс министрлігінде хабарлағандай, ферротитан металлургияда кеңінен қолданылады. Титанды қосу болаттың қасиеттерін жақсартады және оны берік әрі тұрақты етеді. Сондықтан ғалымдар ферротитан өндірудің қол жетімді және тиімді әдістерін іздейді.

Бұл мәселемен Ж. Әбішев атындағы химия-металлургия институтының жас зерттеушілері айналысуда. Олар отандық шикізатты – төмен сапалы ильменит концентраттарын және күлділігі жоғары көмірді пайдалана отырып, ферротитан өндіру технологиясын әзірлеуде. Олар бастапқы материалдардың физика-химиялық қасиеттерін зерттейді, термодинамикалық модельдеуді, зертханалық және үлкейтілген-зертханалық балқытуларды жүргізеді. Атап айтқанда, құрамында титаны 65%-дан жоғары ферротитанды балқытуда алынған күрделі титанды қорытпаны пайдалану мүмкіндігі зерттелуде.

Алынған нәтижелер отандық шикізат ресурстарын металлургиялық өңдеуге неғұрлым толық тарту және минералдық шикізатты кешенді өңдеу технологияларын одан әрі дамыту үшін ғылыми-технологиялық негізді қалыптастырады. Бұл тәсіл сонымен қатар сұранысқа ие металлургиялық материалдарды өндіру үшін ресурс үнемдейтін шешімдерге бағытталған.

Жұмыстың жекеленген бағыттарының бірі – жас мамандарды даярлау және олардың зерттеулерге тікелей қатысуы.

– Важной составляющей работы является подготовка нового поколения специалистов. В исследованиях участвуют молодые ученые, специалисты и студенты, в том числе магистранты Карагандинского технического университета имени Абылкаса Сагинова и НИТУ МИСИС, магистры и бакалавры. Они участвуют в проведении экспериментов, подготовке образцов, обработке и анализе результатов, приобретая практический опыт научно-исследовательской работы», – отмечает заместитель директора по научной работе ХМИ им. Ж. Абишева Наталья Лу.

«Жұмыстың маңызды құрамдас бөлігінің бірі мамандардың жаңа буынын даярлау. Зерттеулерге жас ғалымдар, мамандар мен студенттер, оның ішінде Әбілқас Сағынов атындағы Қарағанды техникалық университетінің және НИТУ МИСИС магистранттары, магистрлер мен бакалаврлар қатысады. Олар эксперименттер жүргізуге, үлгілерді дайындауға, нәтижелерді өңдеуге және талдауға қатысады, ғылыми-зерттеу жұмысының практикалық тәжірибесін жинақтайды», – деп атап өтті Ж.Әбішев атындағы ХМИ директорының ғылыми жұмыс жөніндегі орынбасары Наталья Лу.

Дереккөз: inform.kz